đŸ‡șđŸ‡žâ–¶ïžBlinken: Gen Gwo Enkyetid sou NouvĂšl ki Pale de yon LidĂš Politik nan Opozisyon-an ki Anba KĂČd nan KongođŸ”œ Li atik lađŸ”œ

SekretĂš Deta Etazini Anthony Blinken di li gen enkyetid sou nouvĂšl ki pale de yon lidĂš politik nan opozisyon-an ki anba kĂČd nan Kongo.

Nan 2Ăšm jou vizit-li nan nasyon sa-a nan sant Afrik-la, Blinken fĂš konnen delegasyon-li-a t-ap “chache jwenn plis verite sou sa-k pase-a” konsĂšnan arestasyon-an ki fĂšt, dapre sa-l di, “nan dĂšnye 24 Ăš-yo”. Blinken ajoute ke delegasyon-li-a te soulve kesyon sa-a ak gouvĂšnman Kongo-a, e li konsidere ke sa ka bay pwoblĂšm pou eleksyon ki gen pou dewoule lĂČt ane.

Blinken te rankontre tou ak Premye-minis peyi Kongo, Jean-Michel Sama Lukonde, e te resevwa kĂšk pĂšsonalite tankou loreya Pri NobĂšl LapĂš DoktĂš Denis Mukwege nan anbasad Etazini nan kapital Kongo-a Kinshasa.

Laisser un commentaire